Um ponto a estabelecer entre as entidades que promovemos a campanha, e de cara à entrada de novas entidades, é aclarar bem quais som os compromissos que um coletivo assina para passar a promover a campanha, e ser considerado umha Entidade Galega pola Redución dos Residuos.
A seguir fornece-se umha proposta de compromissos (que em parte coincidem com os da campanha estatal, mas outros som diferentes).
Compromisso (mínimo e OBRIGATÓRIO) coa reduçom dos resíduos:
A entidade XXX compromete-se a integrar dentro da súa dinámica de funcionamento o princípio da reduçom dos resíduos, de jeito que aplicará medidas que permitan reduzir a sua geraçom de resíduos, tanto na actividade diária desse coletivo (comunicaçom interna, compra de subministros) como nas suas acçons públicas (actividades educativas/divulgativas, cursos e jornadas, festas…).
Aliás, a entidade assina a "Declaraçom de Molins" pola reduçom dos resíduos (ver outro post) e apoia todas as reivindicaçons incluídas nela.
Compromisso (mínimo) de transformaçom social:
A entidade XXX é consciente de que o modelo social capitalista nom só implica o esbaldamento de recursos e a alteraçom do ambiente, senóm que também fomenta dinámicas de competência e agressividade nas relaçons humanas, tanto a nível individual coma coletivo. Neste sentido o diálogo, a colaboraçom e a empatia com os outros coletivos serám as bases do trabalho da entidade XXX na campanha "Deamos o primeiro passo, entidades galegas pola redución dos residuos"
Compromisso (VOLUNTÁRIO) de difussom expansiva:
Aliás, a entidade XXX adquire o compromisso de difundir no seu ámbito de acçom (persoas coas que contata, coletivos cos que mantém comunicaçom, plataformas/federaçons onde estea integrada….) a reduçom dos resíduos e fomentará a posta em marcha de medidas de reduçom nesses outros coletivos/persoas.
Compromisso (VOLUNTÁRIO) de acçom pública:
Finalmente, a entidade XXX compromete-se a exercer pressom sobre os outros sectores implicados na reduçom dos resíduos (fabricantes, comerciantes, governantes e a populaçom em geral) mediante a posta em marcha diferente tipo de accións (apresentaçom de moçons em concelhos, pressom na CMA ante a elaboraçom dum novo "Plan de xestión de resíduos urbanos de Galiza", contatos com distribuidoras para fomentar a presença de produtos a granel ou em envases reutilizáveis no comércio, acçons reivindicativas na rua….).
